महामाता यशोधरेवरची ही स्वतंत्र कादंबरी. स्वतः यशोधराच आपले जीवनचरित्र इथे सांगते. ही पात्रमुखी कादंबरी आहे. यशोधरेच्या जाणिवेचा आणि नेणिवेचाही इतका सुंदर आविष्कार मराठीत आणि भारतीय भाषांमध्येही दुसरा नाही. यशवंत मनोहरांच्याच प्रतिभेला शक्य व्हावे असे हे अप्रतिम कादंबरीशिल्प आहे.

सावित्रीमाई फुल्यांवरची ही स्वतंत्र कादंबरी. सावित्रीमाईचे जीवन म्हणजे संघर्ष. स्वतः सावित्रीमाईच स्वतःचे जीवन चरित्र सांगते. सावित्रीमाईंच्या जीवनावरचे एवढे सुंदर कादंबरीकाव्य दुसरे नाही. सावित्रीमाईंचे जगणे स्वतःसाठी नव्हतेच. हे जगणेही लोकांसाठी होते आणि मरणेही लोकांसाठीच होते. महामाता सावित्रीमाईंना केलेले हे कादंबरीमय अभिवादन वाचकांपुढे माणुसकीचे एक नवे महाकाव्य अंथरील.

‘रमाई’ ही कादंबरी म्हणजे यशवंत मनोहरांमधल्या कवीने महामाता रमाईला अर्पण केलेली आदरांजली हेाय. ‘रमाई’ या कादंबरीने इतिहास घडविला. महाराष्ट्रातील वाचकांनी ही कादंबरी पुनःपुन्हा वाचली. महाराष्ट्रातील अनेक छोट्या-मोठ्या गावांमधून, अनेक विहारांमधून रमाईचे समूहांपुढे वाचन झाले. रमाई हे कारुण्याचे अजोड शिल्प आहे.